«Мен үшін үлкен сабақ»: Дархан Жолшыбековтың әйелі кешірім сұрауға мәжбүр болды

Daricorn лақап атымен танымал блогер Дариға Нұркеева 9 жасар баланың бейнежазбасын бейәдеп сөзбен әрі рұқсатсыз жариялаған болатын. Бұл баланың буллингке ұшырауына әкеп соқты. Ал дәмхананың жарнамасын жасаған блогер баланың анасы Ольга Колузанова сотқа бергеннен кейін оның өзін айыптауға көшті.
Енді 18 сәуірден бері жалғасып келе жатқан кикілжіңге нүкте қойылғандай.
Дариға Нұркеева бала мен оның анасымен кездесіп, кешірім сұрады.
Кездесуді Дариғаның күйеуі Дархан Жолшыбеков сөз сөйлеп «ашып» берді.
Ал Нұркееваның өзі орысша сөйлеп: «Бүгін біз кездесіп, бәрін талқыладық. Тағы да барлығыңыздан кешірім сұрағым келеді. Бұл мен үшін және бүкіл Қазақстан үшін үлкен сабақ болды. Кішкентай балаларды ата-анасының рұқсатынсыз түсіруге болмайды. Біз бүкіл жауапкершілікті өз мойнымызға аламыз», — деді.

JQ-Aqparat
Сурет: Instagram/ daricorn.rr