«Мен емес, балалар». Депутат Дәулет Мұқаев жалған ақпарат жариялағаны үшін кешірім сұрады

Парламент Мәжілісінің депутаты Дәулет Мұқаев әлеуметтік желідегі парақшасына Сара Назарбаеваның қайтыс болғаны туралы ақпарат жариялап жіберген. Енді депутат жалған ақпарат таратқаны үшін кешірім сұрауға мәжбүр болды, деп хабарлайды jasqazaq.kz.

Дәулет Мұқаев: «Біріншіден, кешірім сұраймын. Менің әлеуметтік желілерімді көмекші балалар жүргізеді. Балалар жалған ақпарат салып, кейін оны өшірді. Олар өзге әлеуметтік желіде шыққан материалды көшіріп салған. Бұл жайтқа қатысты өзім де жеке кешірім сұраймын», — деп ақталды.
Еске сала кетейік, елімізде жалған ақпарат таратқандарға 20 АЕК сомасындағы айыппұл төлеуден бастап, 7 жылға бас бостандығынан айыруға дейінгі жаза көзделген.

JQ-Aqparat
Сурет: parlam.kz