Мемлекет басшысы Шымкент әуежайының жаңа терминалымен танысты

Президент  Шымкент қаласына келді. Қасым-Жомарт Тоқаев жұмыс сапары барысында қаланың әлеуметтік-экономикалық даму тынысымен танысады, деп хабарлайды jasqazaq.kz Ақорданың баспасөз қызметіне сілтеме жасап.

Сонымен қатар Мемлекет басшысы  Шымкент әуежайының жаңа терминалымен танысты.

Мемлекет басшысының қаланы дамыту жөніндегі тапсырмасы аясында салынған әуе айлағының құрылысына жеке инвестор 24 миллиард теңге қаражат жұмсаған.

Президентке Қазақстанның оңтүстігінде бірегей авиациялық хаб қалыптастыру өңірдегі әуе қатынасының бағыт санын 17-ден 59-ға дейін ұлғайтуға, сондай-ақ Еуропа мен Азияның бірқатар еліне рейстер ашуға мүмкіндік беретіні жөнінде баяндалды.