Петропавл қаласының аумағында Солтүстік Қазақстан облысы полиция департаментінің қызметкерлері қаладағы мектептердің бірінде жұмыс істейтін мұғалімінің миссионерлік қызметті жүзеге асыру фактісін анықтады.
28 жастағы ер адам бейнекамера жоқ жерде оқушыларға діни жиындар өткізген. Оқытушыдан діни мазмұндағы әдебиеттер мен дәрістер жазылған дәптер тәркіленді.
ҚР ӘҚБтК 490-бабының 3-бөлігі «Қазақстан Республикасының діни қызмет және діни бірлестіктер туралы заңнамасын бұзу» бойынша 50 АЕК (172 500 тг) мөлшерінде айыппұл салуды көздейтін материал жиналды.
Миссионерлікпен айналысқан мұғалімнің мектептегі жұмысын жалғастыратыны туралы ештеңе айтылмады.
JQ-Aqparat