Мәскеу маңында үш қазақстандықтың мәйіті табылды

25 ақпан 2018, 10:53

Мәскеу облысының Чехов ауданында жүк көлігінен қазақстандық үш азаматтың мәйіті табылды. Алдын ала жасалған болжам бойынша, ер адамдар газдан уланып қайтыс болған деп хабарлайды Интерфакс агенттігіне сілтеме жасаған NUR.KZ.

Мәскеу облыстық Ішкі істер министрлігі НТВ телеарнасына хабарлағанындай, 24 ақпан күні ауылға келген адамдар қойма ғимараттарының аумағындағы тұраққа жүк көлігін қойыпты.

Ведомсвто қазақстандықтардың қайтыс болуының себебі — газды улану болуы мүмкін екенін алға тартқан. Себебі көлік салонынан жанармай құймасы мен алкогольді шөлмектер табылған.
Олардың денесінен зорлық-зомбылық белгілері байқалмайды.

Қаза тапқандардың кім екені және оқиғаның мән-жайы анықталып жатқаны хабарланды.