Күдікті Сұлтан Сәрсемәлиев сәуір айынан бері алаяқтық жасағаны үшін іздеуде болған (Видео)

Атырау облыстық Полиция департаменті баспасөз қызметінің өкілі Мейірім Ердәулет журналист Руслан Өтепбайқа берген сұхбатында іздеуде жүрген күдікті Сұлтан Сәрсемәлиевке қатысты мән-жайды түсіндірді.

Баспасөз өкілінің мәліметінше, аталған азамат сәуір айынан бері полиция тарапынан іздестіріліп жатыр.

“Сәуір айынан бастап полиция тарапынан іздеуде тұрған азамат. Себебі оның үстінен төрт жәбірленушіні бірнеше миллион теңге көлемінде алдағаны туралы ақпарат бар. Істен кейін күдіктінің Қазақстан Республикасының аумағынан тыс шығып кеткені анықталған. Қазіргі уақытта ол халықаралық іздеуге жарияланған.
Сондай-ақ Мақсот Қарабалиннің шотына ақша шешілгені туралы ақпарат бар. Алайда қайда шешілгені туралы ақпаратты айта алмаймыз”-деді Баспасөз өкілі.

Айта кетейік, Атырау облысында орын алған қанды оқиғадан соң, Қарабалиндер әулетінің мүшелері іздеуде болған. Үйдің қызы мен ұлы әлі күнге табылған жоқ. Ал күдікті ретінде танылған күйеубалалары Сұлтан Сәрсемәлиев пен әйелі Ақбаян халықаралық іздеуде.

 

Посмотреть эту публикацию в Instagram

 

Публикация от JAS QAZAQ (@jasqazaqkz)