Криштиану Роналду төртінші рет әке атанды

Португалия ұлттық құрамасы мен мадридтік «Реалдың» шабуылшысы Криштиану Роналдудың төртінші баласы өмірге келді. Қуанышты хабары жайлы футболшы Instagram желісінде жазды.

32 жастағы португалдық ойыншының төртінші баласының анасы – испандық сәнбике Джорджина Родригес. Роналду мен сүйіктісі дүние есігін ашқан қызына Алана Мартина деп ат қойды.

«Алана Мартина қазір ғана дүниеге келді! Анасы мен қызының жағдайы жақсы! Біз өте бақыттымыз», – деп жазды Роналду. Айта кетейік, Роналдудың суррогат анадан үш баласы бар. кіші Криштиану 7 жаста болса, осы жылдың маусым айында Ева мен Матео есімді егіз баласы өмірге келген еді.

Vesti.kz