Көлеңкелі айналымды қысқарту бюджетке қосымша 1,2 трлн теңге әкелді

27 маусым, 11:22

Қаржы министрі Мәди Такиевтің айтуынша, 2024 жылдың қорытындысы бойынша республикалық бюджетке 19,6 трлн теңге түсті, бұл жылдық жоспардың 97,2%-ын құрайды. Бұл туралы ол Парламент палаталарының бірлескен отырысында хабарлады.
Қаржы түсуінің төмендеуі үшінші елдерден импорттың азаюына және Теңіз кен орнында кеңейту жөніндегі жобаны іске қосудың кейінге қалдырылуына байланысты.
Мәди Такиев 2024 жылы көлеңкелі айналымды қысқарту бойынша жұмыс жалғасқанын, бұл бюджетке 1,2 трлн теңге сомаға қосымша түсімді қамтамасыз еткеніне тоқталды.
Бұл 2023 жылмен салыстырғанда 349 млрд теңгеге немесе 37 пайызға артық.

JQ-Aqparat

Сурет: gov.kz