Кішкентай қыздарға қылмыңдаған блогерге қылмыстық іс қозғалды

Сурет: Видеодан кадр

Алматыда тұратын блогер Қолғанат Жұмабаевқа кәмелетке толмағандармен хат алысқаны үшін қылмыстық іс қозғалды. Алайда ол балалармен жұмысын жалғастыруда, деп хабарлайды jasqazaq.kz.

Қарасай ауданының прокуратурасы CMN.KZ редакциясының ресми сауалына берген жауабында блогердің үстінен Қылмыстық кодекстің 121-1 бабы, яғни «Он алты жасқа толмағандарға сексуалдық сипаттағы тиісу» бойынша қылмыстық іс қозғалғанын хабарлады.

Прокуратура жауабында: «Қарасай ауданының полициясы сотқа дейінгі тергеу амалдарын жүргізіп жатыр», — делінген.

Ал блогер балалар шаштаразында жұмысын жалғастырып, балалармен түскен бейнероликтер жариялауда.

Еске салайық, биылғы қаңтарда Қолғанат Жұмабаевтың әйелі Күлпынай Қалменова кішкентай қыздарға қылмыңдайтынын әшкерелеп, айып тақты.

JQ-Aqparat