Кімдердің тап бергенін айтты: Нұрқанат Ғайыпбаевтан жауап алған полицей сотта жауап берді

Бүгін Шерзат Болаттың өліміне қатысты сот отырысы жалғасып жатыр. Сотта Талғар ПБ аудандық криминалдық полиция департаменті басшысының міндетін атқарушы Медет Әділжан сөйледі, деп хабарлайды jasqazaq.kz.
Шерзаттың ағасы ауруханада жатқан Нұрқанат Ғайыпбаевтан жауап алған осы М.Әділжан екен.
Қорғаушылар одан Ғайыпбаевқа күдіктілердің суретін көрсеткенде, кімдерді таныды деген сұрақ қойды.
Медет Әділжанның айтуынша, Ғайыпбаев Абзал Шынасылдың Шерзатқа тап бергенін, ал Азамат Тоқтаубаевтың өзін жарақаттағанын айтқан.
Бұған дейін сот отырысында ауруханадағы тергеудің бейнежазбасы көрсетілсе де, Ғайыпбаевтың суреттен кімдерді танығаны анық көрінбеген. Медет Әділжан бүгінгі сот отырысына осыны анықтау үшін шақырылған.

JQ-Aqparat
Сурет: видеодан скрин