Қызылорда – Астана пойызында босанған әйел нәрестесін терезеден лақтырып жіберген

22 сәуiр, 14:30

Әлеуметтік желіде Қызылордадан Астанаға жүріп бара жатқан пойыздың дәретханасында босанған әйелдің терезеден сәбиін лақтырып жібергені туралы ақпарат тарады.

Бұл жантүршігерлік оқиға 20 сәуір күні болған. Пойызда бір жолаушы түнде оянып кетіп, вагонның едені мен дәретхананың қанға боялғанын, қансырап жатқан әйелді көрген. Сұрастыра келе, әйелдің пойызда босанып, сәбиін терезеден лақтырып жібергенін естиді. Нәресте мерт болған.

Көліктегі полиция департаменті осы оқиғаға қатысты azattyq-ruhy тілшісіне: «Бұл факті бойынша тергеу жүргізіліп жатыр. Оның аясында тиісті процестік шешімдер қабылданады. Болған оқиғаның мән-жайы анықталады», — деген түсінік берді.

JQ-Aqparat

Фото: gemotest.ru