Астанада жас жігіт бұрын сүйген қызын пышақтап өлтірді. Онымен қоймай, марқұмның туған інісіне де суық қару сілтеген. Қанды қылмыс марқұмның пәтерінде болыпты. Кісі өлімімен аяқталған жанжалды бірнеше куәгер көрген, деп хабарлайды jasqazaq.kz КТК арнасына сілтеме жасап.
Оқиға куәгері: — Қызғаныштан болған дейді. Нақты неден екенін түсінбедім. Көзіммен көрген жоқпын. Дүкенге кіріп бара жатып естідім.
Куәгерлердің айтуынша, пәтерде басталған жанжалдан соң жас жігіт бұрынғы сүйіктісіне пышақ сұғып алған. Өлімге әкеп соққан ұрыс-керіс мұнымен бітпей, күдікті қолындағы сол суық қаруын марқұмның туған інісіне де сілтепті. Қанды қылмысқа барған 21 жастағы қаскөй есікті іштен жауып алып отырған. Тек полиция келгенде қарсылық көрсетпей, өз еркімен берілді. Ал жарақат алған жасөспірім балалар ойнайтын алаңда ауыр хәлде жатқан жерінен табылып, жедел ауруханаға жеткізілген.
Әсет Талапбеков, Сарайшық ауданы ПБ бастығының орынбасары: — Астанада адам өлтіру фактісі бойынша қылмыстық іс қозғалды. Күдікті ұсталып, уақытша ұстау изоляторына қамалды. Қазіргі уақытта оқиғаның барлық мән-жайы анықталып жатыр.
WhatsApp: +7 705 717 9113
