Қызғаншақ күйеуін айтып, мұңын шаққан әнші қыз

Есімін жасырын қалдыруды өтінген отандық әнші өзінің қызғаншақ күйеуі жайлы айтып берді. 
Nur.kz хабарлағандай, ол өзінің сахнада ән айтып, жүргізушілікпен де айналысатынын алға тартты.»Мәдениет саласында жұмыс істеймін. Өздеріңіз білесіздер. Сахна грим мен әдемі көйлекті, келбетті талап етеді. Бірақ, осы өнерім жанұяма қатты кесірін тигізеді», — деп бастады әңгімесін кейіпкер. «Өнер адамы болған соң көптеген кісілермен араласамын. Концерттерден кеш қайтамын. Кейде енем сөйлейді. Одан қалды күйеуім де қызғанады. «Ел-жұртқа маймыл болған шығарсың» деп мазақ қылады. Қонаққа жұбайыммен бара қалсақ, маған «Ән айт» дейді. Мен айтпасам, тағы да ұрыс басталады. Ал осы ренжімесінші деп ән орындасам, «Кімге ұнағың келді» деп тағы да ұрыс шығарады. Енді не істерімді білмеймін.
Сахнадан кету мен үшін қиын. Өнерді тастағым келмейді. Ал күйеуіммен ажырасуға екі балам бар. Оларды әкесіз қалдырып, обалына қаламын деген ой маза бермейді», — деді әнші келіншек.