“Құранды білетін едім деп мақтанғым келді”. Блогер Juzzeffina халықтан кешірім сұрады (Видео)

29 қантар, 19:28

Желіде Құранды рэп қылып айтты деп блогер Juzzeffina-ның басы дауға қалған еді. Кейіннен өз әлеуметтік парақшасында бейнедегі мән-жайды түсіндіріп бақты.
Айтуынша, Аида есімді намазда жүрген құрбысының туған күніне барған.
“Ешқандай алкогольді сусындар болған жоқ.
Бәріміздің есіміз таза. Өйткені 70 пайыз отырған қыздар, келіншектер оранған, намаздағы кісілер. Екіншіден ол жерде конкурс болды. Өнерлеріңізді көрсетіңіздер деген. Мен келдім де намаздағы кісілер түсінеді ғой деп мақтанғым келді. Құранды білетін едім дедім. Сондай ниетпен айтылды. Ол жерде ешқандай рэп, музыка, би жоқ,”- деді блогер.
Таралған ақпараттарды теріске шығарып, алкогольді сусын тұтынбағанын айтып ақталды. Сондай-ақ бейнедегі іс-әрекеті үшін халықтан кешірім сұрады.