Құлсарыдағы жанармай құю бекетінде жарылыс болды: 2 адам қаза тауып, 14 адам жарақат алды (Видео)

30 мамыр, 20:37

Видеодан кадр

Бүгін 18:45 шамасында Атырау облысы Құлсары қаласындағы «Ниет» жанармай құю бекетінде жарылыс болды, деп хабарлайды jasqazaq.kz.

Төтенше жағдайлар министрлігінің мәліметінше, жанармай құю бекетінде газ-ауа қоспасы жарылды. Одан кейін өрт көршілес ғимаратқа, жанармай құю бекетіне және артында орналасқан екі қабатты ғимаратқа тарады.

Оқиға орнынf Төтенше жағдайлар департаменті мен Ұлттық ұланның 60 қызметкері, және 10 техника жұмылдырылған. Өртті сөндіру, газ тасымалдағышты салқындату, адамдарды эвакуациялау және өрт ошақтарын анықтау жұмыстары жүргізілуде.

Алдын ала мәлімет бойынша, 14 адам зардап шеггіп, 2 адам қаза тапты.