Қостанайда «Нұрлы жер» бойынша қандай құрылыс жүргізіліп жатқаны белгілі болды

Елбасы Нұрсұлтан Назарбаев Қостанайдың «Әуежай» жаңа шағын ауданындағы тұрғын үйлердің құрылысымен танысты. Бұл туралы  Ақорданың баспасөз қызметі хабарлайды. «Әуежай» жаңа шағын ауданында 900 орындық мектеп, сондай-ақ спорт және ойын-сауық кешені бой көтеруде.

Сондай-ақ, Қазақстан Президентіне «Нұрлы жер» бағдарламасының Қостанай облысында іске асырылу барысы жөнінде баяндалды.

Шағын аудан аумағында әлеуметтік инфрақұрылым нысандары да салынуда. Соның қатарында мемлекет-жекеменшік әріптестігі аясында 900 орындық жалпы білім беретін мектеп, сондай-ақ спорт және ойын-сауық кешенінің құрылысы бой көтеруде.

Жаңа шағын ауданның көлемі – 31,7 гектар. 2014-2017 жылдарда жалпы көлемі 80542 шаршы метрді құрайтын 16 үй пайдалануға берілген. Бүгінде тағы 12 үй салынып жатыр.