Қостанай облысында 20 келі көмір үшін қылмыстық іс қозғалды

180 теңге шығын келтірген тұрғынның ісі Қостанай облысы Ұзынкөл аудандық сотында қаралды.

Облыстық соттың баспасөз қызметінің мәліметінше, 29 қыркүйек күні Ряжское ауылындағы медициналық пунктің маңында тұрған 20 келі көмірді әйел адам ұрлап кеткен, деп хабарлайды Аlau.kz сайтына сілтеме жасап stan.kz.

«Емханаға 180 теңге шығын келтіргені үшін қылмыстық іс қозғалып, «Өзгенің мүлкін ұрлау» бабы бойынша тергеу жүрді. Екі жақ өзара келіссімге келген соң айыпталушы қылмыстық жауапкершіліктен босады», – делінген хабарламада.