ҚҚС бойынша ең төменгі шекті 80 млн теңгеден 15 млн теңгеге дейін төмендету ұсынылды

Үкімет отырысында Премьер-министрдің орынбасары — ұлттық экономика министрі Серік Жұманғарин қосымша құн салығына қатысты ұсыныстарды ортаға салды, деп хабарлайды jasqazaq.kz.

«Қазір кәсіпорындардың 4 пайызы ғана қосымша құн салығын төлейді. Көптеген компания салықтан жалтару үшін бизнесін бөлшектеп тастаған. Сондықтан ҚҚС есебіне алудың ең төменгі шегін 80 млн теңгеден 15 млн теңгеге дейін төмендетуді ұсынамыз», — деді вице-премьер.

С.Жұманғарин бизнеске теңгерімді жағдай туындатып, салықтан жалтару схемаларының жолын кесетін жағдай жасалатынын, бұл мәселеде халықаралық тәжірибе басшылыққа алынғанын айтты.

JQ-Aqparat