Қазгидромет: Алдағы күндері кейбір өңірде ауа температурасы 47 градусқа дейін көтерілуі мүмкін

Алдағы күндері кейбір өңірде ауа температурасы 47 градусқа дейін көтерілуі мүмкін. «Қазгидромет» мамандары оңтүстіктің кейбір ауданында аптап ыстық болатынын болжап отыр, деп хабарлайды jasqazaq.kz. КТК арнасына сілтеме жасап.

Ал еліміздің солтүстік-батысында, солтүстігінде және шығысында нөсер жаңбыр жауып, бұршақ түсуі де ықтимал.

Аружан Мұратова, «Қазгидромет» РМК баспасөз хатшысы: — Республика аумағының басым бөлігінде ауа райына циклон және онымен байланысты атмосфералық фронтальды бөліктер әсер етеді. Жаңбыр, найзағай күтіледі. 4-5 шілдеде солтүстік-батыс, солтүстік және шығыс өңірде бұршақпен қатты жаңбыр жаууы ықтимал. Тек республиканың оңтүстігі мен оңтүстік-шығысында негізінен жауын-шашынсыз күн райы күтіледі. Батыс және оңтүстік өңірде жел күшейіп, шаңды дауыл болуы мүмкін.