Әлеуметтік желіде бір топ қыздың қатарласын жабылып ұрып жатқан бейнежазба тарады. 24 сәуірде болған оқиғаның видеосын ең алдымен Egovpress Telegram арнасы жариялады. Олар Қаскелеңдегі колледж студенттері болып шықты, деп хабарлайды jasqazaq.kz.
Алматы облыстық полиция департаментінің баспасөз қызметі хабарлағандай, Қарасай аудандық полициясы жанжалға қатысушыларды анықтаған.
Хабарламаэада: «Балаларды тәрбиелеу бойынша міндеттерін тиісінше орындамағаны үшін кәмелетке толмағандардың заңды өкілдері әкімшілік жауапкершілікке тартылып, жасөспірімдермен және олардың ата-аналарымен құқыққа қайшы мінез-құлық салдарын түсіндіре отырып, профилактикалық іс-шаралар жүргізілді.
Ішкі істер органдары білім беру ұйымдарында құқықтық тәртіпті қамтамасыз ету бойынша кешенді шараларды жалғастыруда. Кәмелетке толмағандар арасындағы заңсыз әрекеттің әрбір фактісі қатаң түрде жолын кесіп, кінәлілер заңға сәйкес жауапкершілікке тартылады», — делінген.
Өз кезегінде оқу-ағарту министрлігінің Балалардың құқықтарын қорғау комитеті де түсінік берді: «Төбелеске қатысушылардың барлығы анықталғанын хабарлаймыз. Заңды өкілдер ҚР ӘҚБтК-нің 127-бабы «Кәмелетке толмағандарды тәрбиелеуге байланысты міндеттерді тиісінше орындамау» бойынша әкімшілік жауапкершілікке тартылды.
Кәмелетке толмағандармен және олардың ата-аналарымен құқық бұзушылықтың қайталануының алдын алу бойынша профилактикалық әңгіме жүргізілді».
WhatsApp: +7 705 717 9113
