Қаржылық мониторинг агенттігі алаяқтықтың жаңа түрлерінен сақтануға шақырды

11 маусым, 13:23

ҚМА Телеграм-каналындағы мәліметке сәйкес, алаяқтар адамдардың жұмыс орындарына тексеру жүргізу жөнінде жалған хабарламалар таратып жатыр. Бұл хабарламаларда азаматтарды «құжаттар тапсырып, серіктес болуға» шақырады.
Хабарлама сенімді болып көрінуі үшін Агенттіктің логотипі бар жалған бланкіде, қолдан жасалған мөрмен ресімделеді.
Кейін алаяқтар өздерін ҚМА қызметкерлері ретінде таныстырып, азаматтарға қоңырау шалып, банк шоттары туралы ақпаратты алдап сұрап алады.
Қаржылық мониторинг агенттігі мұндай тексерулер жүргізбейтінін және телефон арқылы қоңырау шалмайтынын тағы да ескертеді.
Ақпараттың шынайылығын тексеру үшін Қаржылық мониторинг агенттігіне немесе тұрғылықты жері бойынша Экономикалық тергеп-тексеру департаментіне жүгінуге болады.
ҚМА жұртты мұқият болуға, ақпаратты ресми дерек көздерімен салыстыруға шақырды.

JQ-Aqparat

Сурет: ҚМА