Адвокат: Қаржаубай Нұрымов кәмелетке толмаған сотталушыны кешіруді сұрады

02 маусым, 12:34

Жәбірленушілердің адвокаты Мейірман Шекеев жарыссөзде сотталушылардың Шерзат Полаттың денсаулығына қасақана зиян келтіргеніне назар аударуды сұрады.

«Сотталушыларды қатаң заң бойынша жазалауды сұраймыз. Осы негізде моральдық зиян келтіруге қатысты ақшалай өндіруді де қолдауды сұраймыз», — деді Шекеев.

Жәбірленуші тарап 9 сотталушыға қатаң жаза шығарып, моральдық шығынды толық өтеуді қанағаттандыруды сұрады.

«Шерзаттың рухына тағзым ете отырып, әділ, заңды шешім шығаруды сұраймыз. Қаржаубай өз тарапынан Думан Ысқаққа кешірім беруді сұрағанын жеткізгім келеді»,- деді адвокат.