Қанат Ысқақов: Оқушылар жазда мұражай мен театрға тегін кіре алады

Үкімет отырысында мәдениет және ақпарат вице-министрі Қанат Ысқақов балаларға арналған жазғы демалысты ұйымдастыру бойынша жүргізіліп жатқан жұмыстар туралы баяндады, деп хабарлайды jasqazaq.kz Үкіметтің баспасөз қызметіне сілтеме жасап.

Оның айтуынша, мәдениет және ақпарат министрлігіне қарасты мекемелер жазғы демалысты тиімді ұйымдастыру мақсатында жас ұрпақтың мәдени және шығармашылық әлеуетін кеңейтуге бағытталған ауқымды іс-шаралар кешенін әзірлеген.
Министрлікке қарасты 10 білім ордасында бүгінде 10 мыңнан астам шәкірт білім алуда. Бұл ұйымдарда жаз мезгіліне арналған арнайы мәдени-танымдық бағдарламалар бекітілді.

Қанат Ысқақов: «Жазғы уақытта еліміздің барлық мектеп оқушыларына музейлер мен театрларға, өзге де мәдени мекемелерге тегін кіруге мүмкіндік жасалып отыр. Бұл әрбір балаға мәдени мұрамен етене танысып, рухани байи түсуге жол ашатын игі бастама»,
— деді.

JQ-Aqparat
Сурет: Үкіметтің баспасөз қызметі