“Қалаулымның” қатысушылары тікелей эфирде отбасын құрды (видео)

Ел арасында екіжақты пікір қалыптастырып, талай дау-дамайға себеп болған атышулы “Қалаулым” бағдарламасында бүгін той! 67 жастағы Сейсенбек ақсақал мен 50 жастағы Ләззат тікелей эфир барысында шаңырақ көтеріп, дүйім жұртты қуантты.Бұл туралы Stan.kz хабарлайды.

Бүгінгі тікелей эфир ерекше түрде өтті. Себебі шаңырақ көтерген жұптың қуанышына ортақтасуға танымал жұлдыздар қатысты. Олардың көшін өнерімен де, өмірімен де жастарға үлгі бола білген Жанболат пен Жазира бастады.

Сондай-ақ, танымал композитор Марат Омаров, Айжан Нұрмағамбетова, Айдар Тұрғанбек, Нұрлан Еспанов, Серікбол Сайлаубек сынды өнер иелері “Қалаулымның” төрінен орын алды.

Эфир барысында, қазақтың салт дәстүрі бойынша шаңырақ көтерген ерлі-зайыптылар бір-біріне дәм таттырды. Ал өзге қатысушылар Сейсенбек ақсақал мен Ләззат апайға ақ жол тілеп, шығарып салды. Аша Матай болса жаңа отбасының құрылуына куәлік етті.

https://youtu.be/YjwTIPhoA4c