Қайрат Нұртас «Жүрегіңнен бір орын бер» әніне бейнебаян түсірді. Ал бейнебаянның негізгі кейіпкері – кеше ғана «Арман. Когда ангелы спят» фильмі арқылы танылып, бірден көрерменнің жүрегіне жол тапқан Жұлдыз Әбдікерімова. Қайраттың жаңа бейнебаянының түсіріліміндегі видео желіде тарап кетті, – деп хабарлайды Stan.kz.
Қайраттың жары әншінің бұдан оншақты жыл бұрын «Арман» әнінен түсірген бейнебаянында рөл сомдаған. Он жыл бойы жұрт назарынан тасада болған Жұлдыз бүгінде өз мамандығын қолға алып, актриса болуға ниеттенген сыңайлы.
Естеріңізге сала кетсек, біраз уақыт бұрын әншінің анасы әрі продюсері Гүлзира Айдарбекова Қайраттың ән кештерінде Жұлдыздың жүргізуші болатынын айтқан еді. Ол ендігі мақсаты келінін танымал ету екендігін де жасырмады.