Қай тағамда қант, май, тұз жоқ?

13 сәуiр 2023, 16:51

Денсаулық сақтау министрлігі Мемлекет басшысының тапсырмасын орындау мақсатында 2023-2025 жылдарға арналған салауатты өмір салтын насихаттайтын Жол картасын әзірлепті. Құжат жобасы Ашық НҚА порталында 27 сәуірге дейін талқылауға шығарылды.
Жол картасында семіздікпен күрес және халықтың дұрыс тамақтануына айрықша көңіл бөлініпті. Бұл бағытта денсаулық сақтау министрлігі «Жарнама туралы» заңға құрамында қант, май, тұзы көп өнімдердің жарнамасын шектеу туралы өзгеріс ұсынып отыр.
Әрине, министрліктің қадамы құптарлық. Алайда таяқтың екі ұшы болатыны секілді, мұндай шектеуге «қант, май, тұзы» көп тағам өндірушілер, сондай-ақ жарнама саласындағылар қарсы шығатыны сөзсіз. Өйткені кез келген дүкеннің сөресінде кәмпит пен күлшенің түр-түрі, тұз бен майға бөккен чипсы деген самсап тұр. Көк жәшікке күнұзақ телміретіндерден «телеарнада ненің жарнамасы көп» деп сұраса, құрамында қант, тұз және майы көп тағамдарды тізіп беретініне күмән жоқ.
Отандық өндірістің де едәуір бөлігі дәл осы «қант, май, тұз» қосылған өнімдер шығарумен айналысады. Оларға тіпті жарнаманың да қажеті жоқ.
Елімізде арақ-шарап пен темекінің жарнамасына тыйым салынғалы қашан. Бірақ олардың саудасы тоқырапты дегенді естімеппіз.
Сондықтан денсаулық сақтау министрлігіне салауатты өмір салтын ұстанудың басқа жолдарын қарастырған дұрыс шығар?

Наргүл Мырзахмет

24 мамыр, 14:41
Түркістан: Келес ауданында тұрмыстық зорлық-зомбылықтың алдын алу жұмыстары жүріп жатыр
23 мамыр, 15:27
Түркістандағы тәртіп сақшылары қауіпсіздікті қамтамасыз етіп, заңды да түсіндіреді
23 мамыр, 15:01
Түркістан: Бала қауіпсіздігін қамтамасыз ету – басты міндет
23 мамыр, 13:55
Түркістан: Ордабасы ауданында профилактикалық шаралар күшейтілді
23 мамыр, 12:35
Теріс пиғылды діни ағымды тек идеологиямен жеңу керек
23 мамыр, 10:55
Түркістан: Кентауда профилактикалық шаралар жалғасуда
22 мамыр, 15:44
Түркістан: Арыс ауданында «Жасөспірім және жауапкершілік» іс- шарасы өтуде
22 мамыр, 15:29
Түркістан: Полиция 180 қылмыстың ізін суытпай ашты
22 мамыр, 12:02
Түркістан: Шардара ауданында «БОРЫШКЕР» жедел профилактикалық іс-шарасы өтуде