Көрермендер бразилиялық файтерге қоқыс жаудырды (видео)

05 қыркүйек 2017, 11:48

Fight Nights Global 73 турниріндегі бразилиялық Диего Брандао мен ресейлік ресейлік Ахмед Алиевтің жекпе-жегі даумен аяқталды.

Алиев екінші раундта партерде қарсыласының үстінде жатып, Брандаоны баспен ұрған. Рефери ескерту жасау үшін дереу жекпе-жекті тоқтатқан, осы кезде ресейлік файтер қарсыласына бірнеше соққы жасап үлгерген.

Брандао ашуға беріліп, Ахмедтің басынан тепкен, осыдан кейін бразилиялық жекпе-жектен бас тартып, октагоннан шығуды ойлады. Оңтүстікамерикалық қоршаудан шыққан бетте трибунадан шөлмек пен қоқыс жауған.

Кейін ұйымдастырушылар Брандаоны октагонға кіруге көндіріп, ол кездесуден бас тартып, Алиевтің қолын көтерді. Осылайша бразилиялық техникалық жеңіліске ұшырады.