Нью-Йорк тұрғыны Кейли Физел (Cailey Fiesel) сатып алған көйлегінің іш қырынан өлі егеуқұйрық тауып алғаннан кейін әйгілі Zara сауда үйін сотқа берді, — деп жазады New York Post басылымы Манхэттеннің Жоғарғы сотына сілтеме жасап.
serke.org хабарлағандай, 24 жастағы әйел көлекті осы жылдың шілде айында Гринвич қаласында 40 мың долларға сатып алған. Бір ай өткен соң ол жаңадан киіп, жаман иіс шығып тұрғанын сезеді. Дегенмен иістің қайдан шыққанын таба алмайды.
Дұрыстап қарап шыққанан кейін Кейли көйлектің іш қырынан өлі кеміргіштің аяғы шығып тұрғанын көреді. «Менің аяғыма қаттылау бірдеме тигендей болды, мен оны тігістің қалың тұсы немесе жіп шығып қалды екен деп ойладым. Алайда, оны тартып қалғанымда оның жіп емес екенін сездім.
Мен шошынып қалдым. Мен мұны көзіммен көріп тұрғаныммен, ес-ақылымын қабылдай алмай тұрды», — дейді сатып алушы.
Күйзелістен басқа қыздың үстінен дәрігерлер кеміргіштер тарататын терінің бөртуін анықтаған. Енді әйел адам қаржылай өтемақы өндіріп алмақ.
Ал Zara компаниясындағылар оқиға туралы білетіндігін және ішкі тергеу жүргізіп жатқанын хабарлады. Zara — ірі халықаралық киім дүкендерінің желісі, Inditex компаниясының құрамына кіреді. Ол әлемнің 88 елінде жұмыс істейді, оның ішінде Қазақстанда да бар.
WhatsApp: +7 705 717 9113
