Иранда жер сілкінісінен қаза тапқандар саны 530 адамға жетті (видео)

Иранда жер сілкінісінен қаза тапқандардың саны 530 адамға жетті. Бұған дейін 455 адамның құрбан болғаны туралы хабарланған еді. Бұл туралы Хабар 24 хабарлады.

Зардап шеккен жергілікті жұрттың саны 7 мыңнан асты. Бұл оқиға өткен жексенбіде болған еді. Иран мен Ирак шекарасында тіркелген жер асты дүмпуінің қуаты 7,3 балға жетті. Зілзаланың күшін тіпті көршілес елдердің тұрғындары да сезген. Басқа аймақтарға қарағанда Иранның Керманшах пен Илам провинциясы едәуір зардап шекті. Тас пен саздан тұрғызылған тұрғын үйлер шыдамай, төбесі опырылып ортасына түсті. Қазір елде 70 мыңға жуық адам үйсіз отыр.