Иран Ормуз бұғазын жабуы мүмкін

Израиль шабуылынан кейін Иран Ормуз бұғазын жабуы мүмкін. Rokna агенттігі жазғандай, Иран депутаты Исмайыл Кусри осылай деп мәлімдеді.
Ормуз бұғазы арқылы сұйытылған табиғи газдың 30 пайызы, мұнай мен мұнай өнімдерінің 20 пайызы жеткізіледі. Оның ішінде Сауд Арабиясының, Ирак, БАӘ және Кувейт экспорты бар.
Исмайыл Кусри: «Қазір бұл мәселе қарастырылып жатыр. Иран мұндай шешімді еш іркілместен қабылдайды», — дейді.
Сарапшылар ондай жағдайда мұнай бағасы шарықтап, бір баррелі қазіргі 70-75 доллардан 120 — 130 долларға жетуі мүмкін деп отыр.

JQ-Aqparat
Сурет: The Wall Street Journal