Илья Ильин Токио Олимпиадасына қатысуы мүмкін

13 қараша 2017, 17:57

Қазақстандық танымал зілтемірші Илья Ильин 2020 жылы Токиода өтетін Олимпиада ойындарына қатысуға мүмкіндігі бар. Бұл туралы Астанада өтіп жатқан IWF Халықаралық допингке қарсы конференциясының кулуарында Қазақстанның ауыр атлетикадан бас хатшысы Омар Мұстафин мәлімдеді, – деп хабарлайды Baq.kz тілшісі.

«Оның ісі (Илья Ильин – автор) Майя Манезаның ісіне ұқсас. Онда Майя Манеза екі жыл спорттан шеттетілген болатын. Бірақ оның олимпиадалық емес ойындарда жеткен жетістіктері сақталды», — деді бас хатшы.

Оның айтуынша, қазақстандық танымал зілтемірші Илья Ильиннің допинг дауына қатысты ісіне нақты шешім алдағы бірнеше айда шығып қалуы мүмкін.