ІІМ басшысы күніне қанша ресейлік келіп жатқанын айтты

18 қазанда өткен брифингте ҚР Ішкі істер министрлігінің басшысы Марат Ахметжанов Ресейден Қазақстанға келгендер кеткендерге қарағанда аз екенін айтты, деп хабарлайды Zakon.kz.
Оның сөзінше, «бұрынғы жағдайға оралдық».

Марат Ахметжанов:

Қазір Ресейден келуші азаматтардың саны кетіп жатқандардан аз.

Ол күніне 8-9 мың азамат келетінін, 10-11 мың азамат кететінін айтты.

«Ресейліктерді депортациялау жағдайы болды ма?» деген сұраққа Ахметжанов «иә» деп жауап бергенімен, нақты қанша адам депортацияланғанын айтпады.

4 қазанда Ішкі істер министрлігі Ресейде ішінара мобилизация жарияланғаннан кейін (21 қыркүйек) Қазақстанға 200 мыңнан астам ресейлік келгенін атап өтті.