Хостелдегі өрт: айыпталушыларға сот үкімі шықты

Алматыда 13 адам өлім құшқан хостелдегі өрт ісіне қатысты резонансты сот процесі аяқталды.

Бір жарым жылға созылған хостелдегі өртке қатысты іске нүкте қойылды. Үкімді Алмалы аудандық сотының судьясы Ернар Қасымбеков шығарды.

Іс Қылмыстық кодекстің 292-бабының 3-бөлігі (Абайсызда екі немесе одан да көп адамның өліміне әкеп соққан өрт қауіпсіздігі талаптарын бұзу) бойынша қаралды.

Айып екі адамға тағылды. Олар – ALA Hostel директоры Әділбек Мұхамедьяров пен «Гидсервис» компаниясының иесі Александр Пекельник.

Сот барлық мән-жайды ескеріп, келесідей үкім шығарды:

ALA Hostel директоры Әділбек Мұхамедьяров 5 жылға бас бостандығынан айырылды, Александр Пекельник 4 жылға сотталды. Олар жазасын қауіпсіздік деңгейі төмен мекемеде өтейді. Екеуі де сот залында қамауға алынды.

Фото: Kazinform