Головкин-Альварес қарымта кездесуі наурыз айында өтуі мүмкін

 Қазақстандық былғары қолғап шебері Геннадий Головкин мен мексикалық боксшы Сауль Альварес қарымта кездесуі өтуі мүмкін жаңа дата белгілі болды.   Бұл жайлы Sports.kz. сайтына  сілтеме жасап ҚазАқпарат хабарлады.

Boxingscene.com сайтында Golden Boy Promotions президенті Эрик Гоместің: «Жекпе-жектің дәл қай күні өтетіні әлі толық шешілген жоқ. Келіссөздер жүріп жатыр. Біз реваншты жоспардағыдан ертерек, мәселен, наурызда өткізу жайлы әңгімелестік. Бірақ мамыр — PPV-сатылымдар үшін өте қолайлы ай», — деген сөзі жарияланды. Еске сала кетсек, бұған дейін Головкиннің промоутері Том Леффлер «Канелоға» қарсы қарымта кездесу өткізуге ең қолайлы күн 2018 жылдың 5 мамыры екенін айтқан болатын.