Гипноздап, басын айналдырған: емші науқастарға миллиондап несие алдырған (Видео)

Ақтөбеде алдына ем іздеп келген 100-ге жуық адамды алдаған емшіге қатысты сот басталды. Іс материалдары бойынша, Сұлушаш есімімен өңірге танымал келіншек науқастарға миллиондап несие алдырған. Қызығы сол, алданғандар қалай басы айналып қалғанын білмейді, — деп хабарлайды jasqazaq.kz КТК-ға сільеме жасап.

Емшіге қатысты алғашқы сот процесіне келушілер көп болды. 95 адам жәбірленуші деп танылған. Ең қызығы, оның ішінде емшінің ет жақын туыстары да, сыныптастары мен ауылдастары да бар. «Дем саламын» деп, бәрінің басын айналдырған. Жәбірленушілер гипнозда жүргендей күй кештік, несиені қалай алып, қолма-қол қалай санап бергенімізді білмей қалдық деп отыр. Халық емшісінің келтірген жалпы шығын көлемі 406 миллион теңгеден асады.

Гүлназым Әлиева, мемлекеттік айыптаушы: — Өзіңе ем алуға келген тұтынушыларға әр түрлі банктен несие алып беруін өтініп, алып берген ақша қаражатын екі ай ішінде толық жауып бере алатын мүмкіндігі бар екенін айтып, сеніміне кіріп, бұның заңмен қуаланатын іс-әрекет екенін біле тұра, қасақана, тікелей пайдакүнем ниетімен алаяқтық, екі немесе одан да көп адамға қатысты бірнеше рет бөтеннің мүлкін жымқыру, алдау, яғни сенімді теріс пайдалану жолымен бөтен мүлікті иемдену арқылы, алаяқтық жасау арқылы ауыр дәрежелі қылмыс жасаған.