Германия Өзбекстанға 100 миллион еуро несие береді

Өзбекстан сыртқы экономикалық қызметінің ұлттық банкі мен Германияның «AKA» банкі өзбектердің еуропа мемлекеттерімен экономикалық және сауда қарым-қатынастарын дамыту мақсатында 100 миллион еуро құндылығындағы келісімге қол қойды. Бұл ақпаратты «Fars news» агенттігіне сілтеме жасап «ca-irnews.com» сайты хабарлады.

Аталмыш екіжақты келісім 2017 жылдың 14-17 қарашасы аралығында Өзбекстан премьер-министрі Абдулла Ариповтың Германияға іс-сапары шеңберінде қол жеткізілген келісімнің негізінде жасалды. Келісімге сәйкес, Өзбекстан ұлттық банкіне несие инвестиция жобаларын, сондай-ақ, Германия мен өзге Еуропа мемлекеттерінен тауар импорттаудағы жеке сектор кәсіпкерлерінің шағын жобаларын қаржылай қамсыздандыру мақсатында беріледі. Қазіргі уақытта Германия Өзбекстанның ең ірі әріптестерінің бірі болып табылады.