Газды шетелге заңсыз асырып келген қылмыстық топ ұсталды

31 қазан 2017, 23:18

Ұлттық қауіпсіздік Комитеті өкілдерінің айтуынша, ұсталғандар жүйелі түрде жүргізген жымысқы әркететтерін Оңтүстік Қазақстан, Алматы және Жамбыл облыстарындағы компаниялармен бірлесе жүзеге асырған. Бұл туралы КТК телеарнасы хабарлады.

Яғни ұйымдасқан топ тек Қазақстан аумағында сатылуы тиіс мұнай өнімдерін ұрлап, Қырғызстан арқылы Тәжікстан мен Ауғанстанға жеткізіп отырыпты. Осы заңсыздық арқылы олардың келтірген ай сайынғы залал мөлшері 650 миллион теңгені құраған. Осы іске қатысы бар деген күдікпен 13 адам ұсталса, оның алтауы Қырғызстан азаматы. Бұл контрабандалық тасымалға құқық қорғау орындары қызметкерлерінің де қатысы болуы мүмкін. Сондықтан жан-жақты тексеру жүргізілуде.