Ғаділбек Жаңайдың бейнебаяны көпшіліктің көңілінен шықты(видео)

Лирикалық әндерге жаны әуес Ғаділбек Жаңай су жаңа бейнебаянының тұсауын кесті. “Керек екенсің” туындысы көпшіліктің, әсіресе ғашықтардың жүрегін елжіретті.Бұл туралы Stan.kz хабарлайды.

Махаббат сезімі туралы сыр шертетін ән Ғаділбектің өз көңіліне де ерекше жаққан ұқсайды. Себебі әнші аталған туындының жарық көруіне орай алғаш рет тұсаукесер жасап, әріптестерінің басын қосты.

Бұған дейін телеарнаға берген сұхбатында Ғаділбек: “Ешқашан тұсаукесер жасап көрмеппін. Бір жасап көрейінші, қалай болады екен”, – деп ағынан жарылған болатын.