Футболшының жылдамдығы желі қолданушыларын таңғалдырды (видео)

21 жастағы ойыншы 60 метрді алты секундта жүгіріп өтіп, гол соқты, деп хабарлайды Baq.kz ақпарат агенттігі lenta.ru басылымына сілтеме жасап.

Индонезиялық «Борнео» клубы ұлттық біріншілік аясында «Митра Кулар» командасымен кездесті. Матч кезінде «Борнео» футболшысы Теренс Пухири 60 метрді алты секундтың ішінде жүгіріп өтіп, гол соқты.

21 жастағы Пухиридің бойы 157 сантиметр, әлеуметтік желі қолданушылары оны планетадағы ең жылдам ойыншы деп атады.

Видео FootyMemes-тің твиттердегі парақшасында жарияланды.

«Бұл жалпы өзі мүмкін бе?» деп таңғалды қолданушылардың бірі.

Тағы бірі дортмундық Боруссияға Усэйн Болттың орнына командаға Теренс Пухириді алуға кеңес берді.

Пухиридің голы командаға жеңіс әкелді. Ойын 4:0 есебімен аяқталды.