Футболдан әлем чемпионатына қатысатын құрамалар

16 қараша 2017, 11:41

2018 жылы 15 маусымы мен 15 шілде аралығында футболдан Ресейде өтетін әлем біріншілігіне қатысатын барлық құрама белгілі болды, деп хабарлайды ҚазАқпарат.

Әлем чемпионатында 32 команда өнер көрсетеді.

Олар: Еуропадан — Германия, Дания, Англия, Польша, Бельгия, Испания, Исландия, Португалия, Швеция, Сербия, Швейцария, Франция және Хорватия құрамалары.

Оңтүстік Америкадан — Бразилия, Перу, Колумбия, Аргентина және Уругвай құрамалары.

Азия елдерінен — Иран, Сауд Арабиясы, Жапония, Австралия және Оңтүстік Корея құрамалары.

Африка құрлығынан — Тунис, Марокко, Мысыр, Нигерия және Сенегал құрамалары.

Солтүстік Америкадан — Коста-Рика, Панама және Мексика құрамалары

Әлем чемпионатына жеребе тарту 1 желтоқсан күні Мәскеуде өтеді.