Франциядағы жол тәулігіне екі рет жоғалып кетеді (видео)

22 қыркүйек 2016, 16:34

Францияның атлантикалық жағалауында Вандея департаментінде Луара сағасының маңында шағын Нуармутье (Noirmoutier) аралы бар.

Оның ұзындығы 18 км, ені – 2-6 км, аумағы — 49 км², тұрғындарының саны – 10 000 жуық адамды құрайды. Арал материктен екі шақырымдық жіңішке Гуле-де-Фромантен (Goulet de Fromentine) бұғазымен бөлінген. Күніне екі рет, су қайтқанда, шамамен бір немесе екі сағат аралығында ғана арал мен материк арасында құрғақтағы жол пайда болады. Ал өзге уақытта оны тереңдігі 4 метрге дейінгі су жасырып тұрады.

Бүгінде осындай ерекше трассаның ұзындығы 4,5 шақырымды құрайды. Дегенмен жолды су қайтқанда ғана пайдалануға болады.

Ірі ақпараттық таблоның көптігіне қарамастан, автомобиль жүргізушілері жаяу жүргіншілер кейде су қақпанына түсіп жатады. Алаңғасар саяхатшылар үшін құтқару мұнаралары құрылған. Олар мұнда су қайтатын сәтті күте алады. Алайда, көлікті құтқару мүмкін емес, – деп жазады

nat-geo.ru.

ҚазАқпарат