Есепші 25 млн-ды үптеп кетті

Қостанай өңірінде ақша төңірегінде тағы дау. Осындағы бір емхананың есепшісі 25 млн теңгені қалтаға басты.

Бұл туралы Қостанай облысы бойынша ревизиялық комиссияның төрағасы Әмірхан Асанов сыбайлас жемқорлыққа қарсы күрес және бұзушылықтарды болдырмау жөніндегі комиссияның отырысында мәлімдеді.

Денисов ауданында 2013-2016 жылдары ірі көлемдегі ақша жасалмаған келісім- шарт бойынша басқа жаққа аударылған. Тексеру нәтижесінде аурухананың бас есепшісі Т. Чижевская өзінің ұлы И. Тюриннің есебіне қомақты соманы аударғаны белгілі болды. Есепші мұны баласының бизнесінде қиындық туғанын, алған несиені қайтару үшін 25,1 млн теңгені аударғанын мойындады. Бірақ ол бұл ақшаның өзінің есебінен төлегенін айтып ақталды.