Ернар Айдар неке жүзігін тағудан бас тартты

Суретімді жарияламаңдар, үйленгенімді айтпаңдар! Отбасын құрып, дүркіретіп той жасаған күні Ернар Айдардың меймандарға айтқан өтініші осы. Алайда халық алдында жүрген әншінің жеке өмірі бәрібір жұртқа жария болды. Ал бұл күндері Ернар неке жүзігін тақпайды. Оның себебін әншінің өзі түсіндірді.

Бұл туралы “Астана” арнасының “Ел аузында” бағдарламасында айтылды, деп жазады Stan.kz.

“Неке жүзігін тақпаймын, себебі жүзікпен емес, жүрекпен біргеміз. Біздің үйде ағаларым да жүзік тақпайды. Оған ештеңе байланысты емес”, – дейді Ернар.

Естеріңізде болса, бұған дейін Ернар жарын өзімен бірге ертіп жүрмейтінін де айтқан еді.

Әріптесінің бұл пікірімен Асхат Тарғын да келісіп отыр.

“Сақинаны көп таққан жоқпын, үйленгеннен кейін алып тастадым. Бірақ үйленгенімді елдің бәрі біледі ғой”, – дейді ол.