Ерке Есмахан 35 мың теңге алимент ала ма? Әнші өзі жауап берді

Әнші Ерке Есмахан әлеуметтік желіде оқырмандарының сұрақтарына жауап береді.

Ерке Есмаханнан «Instagram» желісіндегі оқырманы «Алиментке 35 мың алатыныңыз рас па?»- деп сұрақ қойды.

«Ешқашан алиментке арыз жазбағанмын, алимент алмағанмын. Ешқашан көмек сұрамағанмын. Бала өз несібесімен туады деп, Алла жар болсын деп, өзім жұмыс істеп өсірдім. Нағашылары бақты, қақты. Шүкір. Отау құрған соң күйеуім бірден қасымызға алды Муслимді. Одан кейін не ішеді, не киеді дегенді ойламадым. Кейде осы тараптан ойға батсам, көзіме қуаныштың жасы келеді. Аллаға сансыз шүкір», — деп жауап берді әнші.