«Энергетик құйдым, ол пышақты жуды». Сотта куәгер қыз шындықты жайып салды

Бүгін Шерзат Болаттың өліміне қатысты сотта екінші куәгер қыз Дана Жақсыгелді жауап берді. Ол төбелес пен Шерзатты қалай өлтіргенін көрмегенін айтты, деп хабарлайды jasqazaq.kz.

Оның айтуынша, қару атылғанын естіген соң мәшинеге тығылған.

Төбелестен кейін Абзал Шынасыл көліктегі алдыңғы орынға отырған, алдында пистолет жатқан.
Содан кейін сотталушылар және Элмира Нұрбековамен бірге басқа дүкенге барған. Сол дүкеннің жанында Шынасыл қолына энергетик құйғызған.
«Абзал машинаның қасында жүрелеп отырып, қолына энергетик құюды өтінді.
Мен құйған кезде пышақты жуғанын байқадым», — деді ол.

Бетпе-бет жүздесуде Шынасыл пышақтағы саусақ ізін жуғанын мойындаған.
Сондай-ақ ол басқа сотталушы Шыңгыс Белғожаев пистолет пен пышақты алып кеткенін, қайтып келгенде қолында ештеңе болмағанын айтты.

JQ-Aqparat