Елдос Сметов әлем чемпионатының ширек финалынан аса алған жоқ

Қазақстандық дзюдошы Елдос Сметов Венгрияның астанасы Будапешт қаласында өтіп жатқан әлем чемпионатында ширек финалда сүрінді, деп жазады Vesti.kz.

2015 жылы әлем чемпионы атанған отандасымыз әлем біріншілігінің бірінші айналымында Мозамбик елінің дзюдошысы Неусо Сигокадан айласын асырса, екінші айналымда бразилиялық Эрик Такабатакеден басым түсті. Үшінші айналымда Сметов ирандық Мохаммад Рашнонеждданан үстем түскен еді. Бірақ ширек финалда отандасымыз сүрінді.

Жартылай финалдың жолдамасын беретін белдесуде қазақстандық дзюдошысы әзірбайжан елінің намысын қорғайтын Орхан Сафаровпен кездесті. Белдесу тең дәрежеде өтті. Бірақ Сметов ережені көп бұзды. Сөйтіп, белдесудің аяқталуына 30 секундттай қалғанда отандасымыз үшінші шидоны алып, жеңіліп қалды.

Ерлер арасындағы 60 келіге дейінгі салмақта әлем біріншілігінде бағын сынап жатқан тағы бір отандасымыз Ғұсман Қырғызбаевта ширек финалдан аса алмады. Ол чех жігіті Павел Петриковтан ұтылды. Енді екі дзюдошымыз жұбаныш белдесуінде өнер көрсетеді.

Будепештегі әлем чемпионатында Қазақстан қоржынына Отгонцецэг Галбадрах олжа салуы мүмкін. 48 келіге дейінгі салмақта белдесетін балуынамыз жартылай финалға шықты.

Іріктеуде ол италиялық Франческа Милани, украиналық Дарья Белодед, ширек финалда израильдік Ноа Минскерден үстем болды. Жартылай финалда Галбадрах жапон қызы Фуна Тонакимен кездеседі.

Айта кетейік, жұбаныш белбесулері мен финалдық белбесулер Астана уақыты бойынша 20:00-де басталады.