Ел экспортының 95 пайызына Трамп салығының әсері жоқ

Бүгін таң атпай АҚШ президенті Дональд Трамптың бірнеше мемлекеттің тауарына 25 пайыз баж салынатыны туралы ақпарат жарияланды.
Көп ұзамай, еліміздің сауда және интеграция министрлігі АҚШ-тың жаңа тарифтеріне қатысты мәлімдеме жасады.
Хабарламада: «Қазақстандық экспорттың басым бөлігі — мұнай, уран, күміс, ферроқорытпа, тантал және титан сияқты негізгі шикізат пен стратегиялық тауарлар — жаңа тарифтердің қолданыстан алынуына байланысты жаңа бажсыз жеткізілуін жалғастыра береді. Қабылданған шаралар Қазақстан экспортының шамамен 95 пайызына әсер етпейді деп күтілуде», — делінген хабар
Қазақстандық тауарларға болжамды сауда режимін сақтау мақсатында ел Үкіметі АҚШ әкімшілігіне өзара сауда шарттарын жақсарту жөніндегі нақты шаралар мен бастамаларды жолдады.
Біздің еліміздің мақсаты — нарыққа қол жеткізу және сауда шарттары мәселелері бойынша келісілген шешімдер қабылдау. Қазіргі уақытта Америка тарабы Қазақстан ұсыныстарын қарастыруда және келіссөздерді өткізу күні туралы хабарлайды. Қазақстан ұлттық мүдделерін қорғау және тұрақты сауда-экономикалық әріптестікті дамыту мақсатында Америка тарапымен одан әрі келіссөздер жүргізуге дайын.
JQ-Aqparat

Сурет: vedimosti.ru