Экс-депутаттың баласы 22 жылға сотталды

Алматыда қылмыстық іс бойынша мамандандырылған ауданаралық сот шешімімен»Меркур Тауэрс» ТК күзетшісін асқан қатыгездікпен өлтірген Асқар Тастандиев 22 жылға бас бостандығынан айыру жазасына кесілді, деп хабарлайды jasqazaq.kz.
Осы қайғылы оқиғаға дейін Тастандиев таныс әйелдің интим-видеосын таратқаны үшін сот отырысы жабық режимде өтті.
Былтыр наурыз айында
«Меркур Тауэрс» тұрғын үй кешенінің күзетшісі Нұрбол Қайыпбаев Тастандиевтің кешеннен шығуына (ата-анасының өтінішімен) кедергі келтірмек болған. Ашуға мінген Тастандиев оны бірнеше рет көлігімен жаншып, артынша шөлмекпен ұрып, тепкілеген. 42 жастағы Қайыпбаев ауруханада қайтыс болды. ТК тұрғындарының айтуынша, сотталушы бұрынғы депутат, прокуратурада қызмет істеген Саламғазы Тастандиевтің ұлы.
Сот Нұрбол Қайыпбаевтың жесіріне 20 млн теңге өтемақы төлеу туралы шешім шығарды. Оған қоса, Тастандиев интим-видеосын таратқан Әбілқасымоваға 4 млн теңге моральдық шығын және 1 млн 150 мың теңге шығынды қоса төлейді.
JQ-Aqparat