Димаш науқас жанкүйерінің соңғы арманын орындады

Сурет: tiktok.com/@indos70/

Танымал әнші Димаш Құдайберген науқас жанкүйерінің соңғы арманын орындады. Бұл туралы қатерлі ісікке шалдыққан жанкүйерінің әйелі TikTok әлеуметтік желісінде айтты. 

«Бұл күтпеген жағдай болды. Мұхаң Димаштың жанкүйері болған. Бұл 2024 жылдың ақпаны болатын, Алматыдағы онкологиялық аурухана. Мұхаңды ота жасауға дайындап жатқан. Жиеніміз Димашқа көкесінің жағдайы туралы хат жазды. Димаштың өзі айтқандай, әдетте поштасын ол оқымайды. Кездейсоқ болғанда ол  Алматыда болып, Стамбұлға үлкен гала-концерт беруге дайындалып жатқан. Димаш Әуежайға барар жолда Мұхаңға тоқтап, көңілін көтеруді жөн көрді. Димаш қоңырау шалып, 20 минуттан кейін келемін дегенде, ол алдымызға келгенше сенбедік. Денсаулық тілеп, Мұхаңның жеке шақыруымен концертіне қатысуын өтінді. Әттең, бұлай болу жазылмаған. Мұхаң тура 2 айдан кейін өмірден өтті, — деп жазды әйелі.