Дәлелсіз тексеруге жол жоқ!

Алматы қаласы Наурызбай ауданының прокуратурасы кәсіпкерлер құқығының бұзылғанын әшкереледі.
Қадағалау органының мәліметінше, Наурызбай ауданы бойынша Мемлекеттік кірістер басқармасының қызметкерлері азаматша Д.-ның арызы бойынша сауда дүкенінде тексеру жүргізген. Салық қызметкерлері жеке кәсіпкерге алдын ала тексеру жүргізу туралы хабарлама жібермегені және арызданушының ешқандай дәлелдер ұсынбағаны анықталды.
Ал Кәсіпкерлік кодекстің 144-бабының 5-бөлігі 3-тармағына сәйкес, бақылау мен қадағалау субъектілерін жоспардан тыс тексеру үшін сенімді негіздер және растайтын дәлелдер болуы тиіс.

JQ-Aqparat